الخميس , دجنبر 3 2020
الموفيطا في البحر

البحر و الموفيطا

السلا م عليكم

دردشة صغيرة.

دبا جاي وقت البحر الموفيطا يعني غدي تنوع طريقتك ديال الصيد خيوط غلاظ طعمة مريحة او طعمة لي فيها الدم.

يمكن لينا نصنفو الرياس السورفكاستين على حسب الخبرة المكتسبة, متلا نقدرو نريسو بالخيوط رقاق وهد مبدا استعمال خيوط رقاق قليل لي كتقبلوً عن الرياس القدام.

في الاونة الاخيرة لاحضنا الاقبال على الخيوط الرقاق اما مع استشارة او البحت ديال الافراد او متابعة او شغف الماركوتين.

انا بالنسبة من وجهة نظري الخيوط عندها اساليب الصيد وعلى حساب تنوع الاسماك متلا ميمكنش نصيد بخيط رقيق على الفرخ و الحوت لي خاصو مقاتلة مع الخيط وهو الخيط ديال 120 تيقطعو.

ولكن يقدر الريس بالخبرة ديالو مع الخيوط الرقيقة ومع اخد بعين الاعتبار شدة التحمل لي تتوزن lb او كيلو عندنا في المغرب او لي اليابان بي pe نحاول نعيي الحوت ما امكن ولكن تتطلب دقة وتمرس جيد يعني ضروري ان الحوت غليظ يقطع لك, ولكن مع المحاولة كل مرة تتحاول تحسن راسك.

مصيد رملي و بحر هادئ غادي نحاول نهبط رق الخيط.

مصيد و البحر هائج نحاول نغلط الخيط.

الخيط الرقيق في هد البحر خدام مخير متكرهش ولكن المشكل الا كانت الغرابان ديالك واغلة كتضطر انك تخرج وتحاول تكي القصبة تكون موازية مع ارضية سطح الشاطىء وتجر بشوية حتى تحل الغرابان الى تردمت مع الرملة.

ما عندك حل سوى انك تبدل الخيط وتطلع شوية 35-30 مع اراشي ديال الربعين.

المونطاجات جميعهم خدامين واحسن مونطاج هو المونطاج ديال الدرعي لي لحت او مونطاج trainard يكون فيها جوج متر او اكتر.

تحاول تخلى الخيط بعيد عند الكربان و تتسارى مع الكوران وهد المونطاج هو المفضل.

تستهدف جميع انواع الاسماك المونطاج ملي تتلونصيه وتتحط في الماء راه تتبع الكوران ديال تحت الماء وغالب تكون راجع جيهت الشاطىء.

تحياتي حميد ازنوب

تقييم

تقييم المحتوى

يسر فريق موقع Pêcheurs الحصول على اراء و تقييمات زواره لمعرفة مدى رضاهم عن الخدمات المقدمة و ذلك لتحسينها و اضافة خدمات جديدة في المستقبل.

User Rating: Be the first one !

تعليقات الفيسبوك